Кому молится в трудных ситуациях

МОЛИТВА ЧЕСТНОМУ КРЕСТУ

Да воскреснет Бог, и расточатся врази Его, и да бежат от лица Его ненавидящий Его. Яко исчезает дым, да исчезнут; яко тает воск от лица огня, тако да погибнут беси от лица любящих Бога, и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй бесы силою на тебе пропятого Господа нашего Иисуса Христа, во ад сшедшаго, и поправшаго силу диаволю, и даровавшаго нам тебе Крест Свой Честный, на прогнание всякаго супостата. О Пречестный и Животворящий Кресте Господень! Помогай ми со Святою Госпожою Девою Богородицею и со всеми святыми во веки. Аминь.

ИИСУСОВА МОЛИТВА

Господи, Иисусе Христе, Сыне Божий, помилуй мя, грешнаго.

АРХАНГЕЛУ МИХАИЛУ

Тропарь, глас 4-й:
Небесных воинств Архистратиже,/ молим тя присно мы недостойнии,/ да твоими молитвами оградиши нас/ кровом крил невещественныя твоея славы,/ сохраняя нас, припадающих прилежно и вопиющих:/ от бед избави нас,/ яко чиноначальник Вышних Сил.

МОЛИТВА АНГЕЛУ-ХРАНИТЕЛЮ

Святый Ангеле Божий, Хранителю мой, моли Бога о мне.

СВЯТЫМ МУЧЕНИКАМ КИПРИАНУ И ИУСТИНЕ

Кондак, глас 1-й:
От художества волшебнаго обратився, богомудре,/ к познанию Божественному./ Показался еси миру врач мудрейший,/ исцеления даруя чествующим тя,/ Киприане, со Иустиною:/ с неюже молися Человеколюбцу Владыце/ спасти души наша.

ПРЕСВЯТОЙ БОГОРОДИЦЕ ПЕРЕД ИКОНОЙ
"ВЗЫСКАНИЕ ПОГИБШИХ"

Тропарь, глас 7-й:
Радуйся, Благодатная Богородице Дево,/ во объятиях Своих Превечнаго Младенца и Бога носившая./ Проси Его дати миру умирение и душам нашим спасение./ Сын бо Тебе, Богомати, вещает,/ яко вся прошения Твоя во благое исполнит./ Сего ради и мы, припадающе, молимся/ и, надеющийся на Тя, да не погибнем,/ имя Твое именуем:/ Ты бо еси. Владычице,/ Взыскание погибших.